Македонското девојченце, кое подоцна стана светски познат вокал (фото)

Таа како малечка пееше на детскиот фестивал „Златно славејче 88“, а денес растура на светската сцена кога е филмската музика во прашање.

„Душа давам за нејзиниот глас“ – изјавил холивудскиот композитор Џон Дебни кога ја слушнал како пее. Девојката со „ангелски глас“ од Македонија еднакво ја фалат и филмските продуценти и композитори и обожавателите. Феноменалната пејачка од Ресен, Тања Царовска, чијшто вокал може да се слушне во мегауспешните филмски спектакли како што се историскиот „Троја“ или библиската приказна за „Исусовите страдања“ на Мел Гибсон.

Секако и домашната филмска продукција не ги заобиколи нејзините вокални квалитети, па така и во филмот „Мајки“ нашиот режисер Милчо Манчевски за дел од музичката приказна ја одбра Тања Царовска, каде што таа ја пее „По друм одам мајче“. Името на Царовска е запишано неколку пати и на престижните амарикански награди „Греми“, кога е во прашање филмската музика.

Кога е во прашање историскиот филмски спектакл „Троја“, интересное тоа што композиторот Гебриел Џеред работел повеќе од една година на музика на филмот, ангажиран од режисерот Волфганг Петерсен.

Вокалите низ разни делови од музиката се на Македонката Тања Царовска. Но откако е склопена првата верзија на музиката и филмот, на Џеред му е одземено правото да биде композитор на музика за овој филм за помалку од еден ден, и Ворнер Брос почнал да бара замена за него.

Новата музика е составена за помалку од четири недели од страна на композиторот Џејмс Хорнер, кој кој што и да се обидувал да направи, на крајот сепак морал да ги употребил вокалите на Тања Царовска, додавајќи стара медитеранска музика и дувачки инструменти.

Извор: Вистина.мк

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.