Не капете се во езеро, денеска е Преображение

Во народните верувања празникот Преображение се слави како премин меѓу летниот и зимскиот период, кога воздухот и водата стануваат постудени, лисјата почнуваат да жолтеат и сѐ во природата што дотогаш растеше, полека венее.

На овој ден не се работи. Порано од Преображение луѓето повеќе не се капеле во езерата и во реките. Се вели дека Гората се преобразува, а добро е симболично да се скршат лешници, велат преданијата. Жените воочи преображение врзувале црвен или бел конец околу рацете и помислувале желба. Ако конецот не се скине во текот на денот, желбата ќе се исполни. На овој ден е строг пост, а во некои краишта луѓето се причествувале в црква.

Многу верници на овој ден за првпат во годината пробуваат грозје, бидејќи мислат дека тоа се преобразува во зрело дури по овој празник.

Се верува дека ако на овој ден е убаво времето, следната година нема да биде добра жетвата.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.