Траект за прифаќање на мигранти пристигна на грчкиот остров Кос

The passenger ferry Amorella is pictured at a port in Stockholm

Голем патнички траект пристигна денеска на грчкиот остров Кос, каде ќе се користи за привремено сместување на сириски бегалци, што на островот пристигнале со мали бродови од Турција.Меѓународната организација за миграција соопшти дека бројот на мигранти и баратели на азил, што од почетокот на годината преку Средоземно Море пристигнале во Европа, до крајот на месецот ќе ја надмине бројката од 250.000 лица.

Траектот „Елефтериос Венизелос“, што може да прими над 2.500 лица, ќе биде во функција од утре, како центар во кој Сиријците ќе може да се сместат додека чекаат на привремени патни документи потребни за напуштање на островот Кос.

Генерал мајорот Захарула Цирихоти, која е шеф на огранокот на грчката полиција за заштита на границата, изјави дека Сиријците кои на Кос стигнале до четвтрок вечерта, досега веќе го минале процесот на скенирање. Според Цирихоти траектот ќе остане на Кос околу две недели.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.