УЈП: Граѓаните и фирмите да ги платат заостанатите долгови за РДТ

Граѓаните и фирмите да ги платат заостанатите долгови за радиодифузна такса (РДТ) за да не се соочат со присилна наплата, апелира Управата за јавни приходи (УЈП).

– Апелираме граѓаните и фирмите што имаат заостанати долгови за радиодифузна такса, да извршат плаќање на оваа јавна давачка во најкусо време бидејќи ќе почнеме постапки за присилна наплата со блокирање на трансакциските сметки со што обврзниците би се изложиле на дополнителни трошоци – соопшти денеска УЈП.

Состојбата на долговите за РДТ е наведена во Решението, кое УЈП го доставува до обврзникот секој месец, а дополнително проверка може да се врши и преку интернет, преку бесплатната електронска услуга е-радиодифузна такса https://etax.ujp.gov.mk.

Исто така, граѓаните можат да ги користат новите услуги на УЈП за електронско плаќање со безготовинска картичка Виса, Маестро и Мастер кард (кредитна и дебитна) издадена од домашна банка.

Постапката за регистрација за електронско плаќање и проверка на состојбите за РДТ преку https://etax.ujp.gov.mk е бесплатна за граѓаните и не е потребен дигитален сертификат.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.