Вучиќ: Србија ќе има најмногу автопатишта во овој дел на Европа

Српскиот премиер Александар Вучиќ изјави дека со завршување на Коридорот 11, Србија ќе има најмногу километри автопат пропорционално на површината на својата територија.

– Градиме огромен број километри автопатишта. Само на Коридорот 10 се градат 85 и 80 километри, покрај другите 138 километри на друго место. Тоа се 300 километри, кои треба да бидат готови во следните две години – истака Вучиќ на прес-конференција.

Тој нагласи дека за другите проекти, за кои треба да се потпишат договори, сè уште не е договорен модел и треба да се разгледа дали во зделките ќе учествуваат Кинезите или Азербејџанците.

Српскиот премиер додаде дека Коридорот 10 ќе биде завршен три месеци порано, така што кон Македонија и Бугарија ќе се патува по автопат.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.