Предупредувања за можни напади во Истанбул

Дирекцијата на истанбулската полиција испратила писмен документ до сите единици со предупредување за можни напади во Истанбул, објави „Тудејс заман“.

Предупредувањето се однесува на места каде се собираат голем број луѓе и поконкретно до некои метро и автобуски линии.

Документот е потпишан од заменик-началникот на полицијата во Истанбул Мустафа Чалашкан. Во него се посочува дека полицијата располага со податоци дека нападите во Турција можат да продолжат и оти нивна цел може да бидат средства за масовен транспорт, полициски станици, возила на силите за безбедност и живеалишта на полицијата.

Турција почна голема антитерористичка операција во петокот против повеќе илегални групи, вклучувајќи ја Исламска држава (ИД) и Курдската работничка партија (ПКК), во различни окрузи на земјата, меѓу кои и Истанбул.

Дејствијата беа преземени, откако напаѓач самоубиец, за кого се смета дека припаѓа во ИД, изврши напад во градот Суруч минатиот понеделник, убивајќи 32 лица.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.