ДУИ формира работна група за спроведување на договорот за излез од политичката криза

Демократска унија за интеграција (ДУИ) донесе одлука за формирање работна група, која ќе биде ангажирана за спроведување на договорот за излез од политичката криза, а е постигнат на 2 јуни меѓу лидерите на четирите најголеми политички партии и со посредство на меѓународната заедница.

Работната група, соопшти денеска ДУИ, е во состав Фатмир Бесими координатор, Муса Џафери, Талат Џафери, Абдилаќим Адеми, Бујар Османи и Артан Груби.

Работната група ќе ангажира дополнително и експерти во зависност од темите кои ќе се разговараат на работните состаноци.

ДУИ ги повикува сите политички партии потписници на договорот да покажат максимална посветеност во имплементирање на обврските од договорот со цел враќање на политичката стабилност и фокусот на институциите на интегративните процеси, а се со цел, подобар живот за сите граѓани.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.