Директорот на Агенцијата за млади и спорт, како покровители на овој проект, нагласи дека успехот во овој потфат ќе ѝ донесе на Илина епитет на прва жена Македонка што го освоила срцето на највисоката планина на светот, но и меѓународно ќе ја афирмира нашата земја.
Проектот „Прва македонска жена на Монт Еверест“ е проект за подвигот кој Илина Арсова ќе го реализира во периодот април/мај ова година. Арсова ги има освоено речиси сите највисоки врвови од другите континенти во светот.
На средбата, директорот Поповски го прочита и писмото на поддршка од претседателот на Републиката, д-р Ѓорге Иванов:
„Претседателот на Републиката, д-рЃорге Иванов во ова пригода ѝ посакува многу среќа и успех на Илина Арсова и нејзината експедиција во освојувањето на Монт Еверест. Тоа ќе биде големо достигнување за неа, за семејството, за нашиот спорт и за Република Македонија. Илина, сите те поддржуваме и ги стискаме палците за тебе. Вратете се живи и здрави, и со успехот.
Извор: Факултети
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
