Чешката Република соработува со одреден број странски тајни служби, во обид да се најдат петтемина Чеси, кои неодамна исчезнаа во Либан, изјави чешкиот министер за надворешни работи Лубомир Заоралек.
Заоралек подвлече дека во оваа конкретна ситуација главен партнер на политичко и на разузнавачко ниво останува Либан.
Заоралек оцени дека Чешка редовно соработува со голем број разузнавачки служби и денеска на состанокот со своите колеги во Брисел каде што ќе присуствува, не мора да преговара за соработка.
Во саботата во долината Бека во источен Либан, тамошната полиција соопшти дека исчезнале петмина чешки граѓани и нивниот таксист, локален жител.
Според медиумите, би можело да се работи за киднапирање во врска со приведувањето на Либанецот Али Фајад, кој со уште двајца жители на Брегот на Слоновата Коска во Чешка чекаат екстрадиција за Соединетите Американски Држави поради обвинение за нелегална трговија со оружје и соработка со терористи.
Дел од медиумите јавија дека либанскиот таксист Тан, кој исчезна со Чесите, е брат на Али Фајад.
На тројцата притворени, кои го отфрлаат обвинението, им се заканува доживотна казна затвор.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
