Порака од поглаварот на ИВЗ, Сулејман Реџепи, за Рамазан-бајрам

Поглаварот на Исламската верска заедница, Сулејман Реџепи, им го честиташе на муслиманските верници празникот Рамазан-бајрам, повикувајќи на сомилост кон сиромашните, блискост и единство.

– Со сѐ срце да му се заблагодариме на нашиот Господар, кој уште еднаш ни овозможи да се доживеат убавините, чудата и сите добрини на благословениот месец на Рамазан. Денес, со езанот на акшам намаз го завршуваме постот. Утре, на лицата на сите верници, секаде во светот природно ќе експлодира радост, бидејќи го имаме  Фитр Бајрам. Драги верници, по намазот на Фитр Бајрам, сите ние по нашите домови, да искажаме радости кон членовите на семејството кон најблиските и најсаканите. Споделете ја вашата богата трпеза со оние кои немаат, со вашите соседи, и изразите милост, блискост и единство. Браќа и сестри, Го молам Семоќниот Алах да ги прими нашите добри дела и нашите молитви направени во текот на месец Рамазан – вели во пораката реисот на ИВЗ, Реџепи.

Муслиманите во Република Македонија, како и во целиот свет утре,  по едномесечниот пост, го слават Рамазан-бајрам. Рамазан е деветтиот месец во исламскиот календар, воедно е и месец на почетокот на објавата на Куранот. Поголемиот дел верници од исламска вероисповед овој празник го слават три дена.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.