Кривична за пијаниот маж кој го нападна тапанџијата што најавува ифтар

Поради постоење основи на сомнение за сторено казнено дело убиство во обид, полициската станица од Струга поднесе кривична пријава против Ф.Р.(50) од струшкото село Долна Белица.

Пријавениот, на седми овој месец, со нож го нападнал Љ.Д. (79) од Струга нанесувајќи му тешки телесни повреди-посекотина на врат во должина од околу 16 сантиметри. Настанот се случил во 20.30 часот на улицата „ЈНА“ во Струга, каде сега пријавениот, во видно алкохолизирана состојба, го забележал Љ.Д. кој со тапан најавувал дека е време за вечера според муслиманскиот рамазански пост. Тука, Ф.Р. го пресретнал сега повредениот, го извадил ножот и му задал удар во пределот на вратот по што веднаш избегал.

При извршено алкотестирање, кај пријавениот констатирани се 2,24 промили алкохол во крвта.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.