Синдикатот на државните службеници во Грција повика на 24-часовен штрајк во среда

Синдикатот на државните службеници во Грција Адеди, повика денеска на 24-часовен штрајк во среда, кога се очекува Парламентот во Атина да ги гласа новите мерки на штедење, за кои беше постигнат договор во Брисел. Евентуален нов тригодишен заем за Грција беше обврзан со усвојувањето на тие мерки.

– Повикуваме на 24-часовен штрајк за време на гласањето на антинародниот договор и демонстрации во 19 часот по локално време на плоштадот Синтагма во Атина, се наведува во коминике на Адеди.

Тоа ќе биде првиот штрајк од доаѓањето на власт на СИРИЗА во јануари годинава.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.