Напнато во центарот на Белград: НВО палат свеќи за 7000 жртви, Шешељ им салутира на Младиќ и на Караџиќ

По одлуката на српското МВР да си забрани сите собири закажани за сабота по повод одбележување на годишнината од Сребреница, поддржувачите на акцијата #sedamhiljada се собраа вчера вечер пред Претседателството на Србија за да им оддадат почит на жртвите, јавува српски Курир.

Активисти од невладините организации и граѓани денеска палеа свеќи во Пионерскиот парк во Белград за да им оддадат почит на жртвите на злосторствата во Сребреница направени пред 20 години. Собирот го обезбедуваа силни полициски сили, бидејќи од другата страна на паркот се појавија симпатизери на десничарските организации. Во делот на паркот кон улицата „Крал Милан” активистите на НВО покрај запалените свеќи симболично оставаа и ливчиња со броеви.

Исто така симболично, собирот почна во 23.07 часот. Во делот на паркот пред Градското собрание следбениците на десничарските организации пееја четнички песни, им скандираа на хашките обвинети Ратко Младиќ и Радован Караџиќ и носеа транспарент на кој пишува „Србите се жртви на геноцид”. Меѓу нив, секако, беше и лидерот на радикалите Воислав Шешељ.

Како што пренесуваат српските локални медиуми, полицијата привела неколку радикали, бидејќи ги навредувале и се обиделе да ги нападнат насобраните кои палеле свеќи.

Меѓу двете големи групи имаше голем кордон полиција, а неколкуте лица во црни маици кои се обиделе да им пријдат на граѓаните кои палат свеќи, веднаш биле оддалечени од местото. Палењето свеќи во Пионерскиот парк во Белград го организираа група НВО кои за сабота планираа на платото пред Градското собрание да го организираат собирот #7000, на годишнината од сребреничкото злосторство. Бидејќи десничарските организации во исто време закажаа свои собири на истото место, МВР ги забрани сите закажани настани.

.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.