Петорица повредени во сообраќајка на патот Макреш-Бајловце, Кумановско

Пет лица биле повредени во сообраќајна несреќа што се случила вчера во 14.15 часот на локалниот пат помеѓу кумановските села Макреш и Бајловце. Повредените се надвор од животна опасност, но се задржани за понатамошно лекување во општа болница во Куманово, соопшти денеска Регионалниот Центар за управување со кризи.

Сообраќајната несреќа, според информациите од кумановската полиција, се случила при директен судир на два автомобила и двата „форд ескорт“. Како што појасни денеска портпаролот на СВР Куманово,Валентина Николовска, 39 годишниот З.Д со „форд ескорт„ кумановски регистарски таблички се движел по локалниот пат Војник- Бајловце, по што изгубил контрола, преминал на левата страна и директно се судрил со другиот „форд ескорт“ со штипски регистарски таблички, кој бил управуван од 26 годишниот возач од Штип со иницијали Д.Д.

Лекарите од кумановската болница потврдија дека возачот на автомобилот со кумановски таблички се здобил со скршеница на десна потколеница, а по укажаната помош е пренесен во Ургентниот центар во Скопје, додека негов сопатник, возачот од Штип и двајца негови сопатници се здобиле со телесни повреди и се лекувани во кумановската болница.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.