Одѕивот на референдумот во Грција досега 35 проценти

Неколку часа по отворањето на избирачките места во Грција, значителен број Грци веќе го дале својот глас на референдумот за условите на меѓународните кредитори, јави БТА.

Приватната телевизија Мега соопшти дека одѕивот на избирачите е исклучително висок и оти досега гласале околу 35 проценти од гласачите, а пред местата за гласање во Атина има редици.

За да бидат валидни резултатите од референдумот, треба да гласале минимум 40 отсто од граѓаните со право на глас.

Високиот одѕив на изборите е нормална појава во Грција, каде што гласањето е задолжително, иако тој закон во изминатите години не се применува строго.

Денешниот референдум во Грција е првиот по 1974 година, кога Грците гласаа за укинување на монархијата.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.