Масовниот убиец Брејвик ја тужи Норвешка

Масовниот убиец Андерс Беринг Брејвик денеска почна судски процес против норвешката држава обвинувајќи дека му се прекршени неговите човекови права, со тоа што е држен четири години во строга изолација во затвор.

Брејвик тужбата ја поднесе во главниот суд во Осло. Тој во тужбата се повикува на Европската конвенција за човекови права и има цел да го принуди Осло да му обезбеди поголем пристап до луѓе.

– Тој е изложен на многу екстремен степен на изолација – изјави адвокатот на Брејвик, Ејштејн Сторвик, додавајќи дека неговиот контакт со други луѓе во најголем дел е сведен на чувари и затворски персонал.

Според адвокатот, Брејвик има право да контактира со други лица, можеби и други затвореници, наспроти ризикот да биде нападнат.

Бреквик, кој сега има 36 години, активира бомба во центарот на Осло на 22 јули 2011 година, при што загинаа осум лица, а потоа изврши напад на островот Утоја, каде што уби 69 лица. Тој е осуден на 21 година затвор.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.