Македонија станува дел од заедничката транзитна постапка на ЕУ

Царинската управа денеска го одбележува пристапувањето кон конвенциите за заедничка транзитна постапка и за поедноставување на формалностите при трговија со стока.

Со денешното пристапување кон Конвенцијата за заедничка транзитна постапка и Конвенцијата за поедноставување на формалностите при трговија со стока, Република Македонија станува дел од заедничката транзитна постапка на ЕУ, соопшти Управата.

Царинската транзитна постапка претставува една од основите на европската интеграција и е од витален интерес за европските бизниси. Со пристапувањето кон зедничката транзитна постапка на ЕУ, како што се посочува, се овозможува транзитирање на стоки во помеѓу кои било две места во кои било земји кои се дел од заедничката транзитна постапка со користење на една единствена транзитна декларација во електронска форма и единствена гаранција.

Од ас­пект на евро­ин­те­гра­ци­и­те, вле­зот во за­ед­нич­ки­от тран­зи­тен си­стем ќе би­де клу­чен адут во прет­при­стап­ни­те стра­те­гии би­деј­ќи Ре­пуб­ли­ка Ма­ке­до­ни­ја ќе би­де дел од ца­рин­ски­от си­стем на ЕУ пред да ста­не неј­зи­на пол­но­прав­на член­ка. Од еко­ном­ски ас­пект, пак, при­ста­пу­ва­ње­то кон Кон­вен­ци­ја­та зна­чи олес­ну­ва­ње на тр­гу­ва­ње­то со ЕУ, ЕФТА и со Тур­ци­ја, ка­ко на­ши нај­го­ле­ми и дол­го­роч­ни над­во­реш­но-тр­гов­ски парт­не­ри, вели во видео интервју за Република Наташа Радеска Крстевска, Директор на Царинската Управа на Република Македонија

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.