Унгарското укинување на клучниот европски пропис за барателите на азил е неприфатливо и ќе има последици, изјави австрискиот министер за надворешни работи Себастијан Курц.
– Австрија тоа не може да го толерира- му порача Курц на унгарскиот министер за надворешни работи Петер Сзијарт.
Унгарската конзервативна Влада го суспендираше вчера во име на унгарските интереси прописот наречен „Даблин 3“, со кој се организира разгледувањето на барањата за азил во Европа.
Овој текст одредува дека барањето за азил треба да го разгледува првата европска земја во која ќе пристигне личноста.
Според официјалните податоци унгарската полиција уапсила над 60 илјади илегални имигранти меѓу 1 јануари и 22 јуни. Најголемиот дел од овие лица, од кои повеќето пристигнале од Сирија, Ирак и Авганистан, но и од Косово, се уапсени на унгарско-српската граница.
Европската комисија синоќа побара објаснување од Будимпешта.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
