Дел од африканските емигранти протерани од италијанската полиција

Италијанската полиција принудно протера некои од африканските емигранти кои се сместени во камп во близина на граничниот премин Вентимиља на границата со Франција, со цел своето патување да го продолжат кон север.

Групата емигранти се обиделе да се спротивстават на нивното внесување во автобусите, кои ќе ги пренесат на друго место.

Емигрантите, главно од Судан и од Еритреја, веќе пет дена се наоѓаат во кампот во близина на Вентимиља, откако француската погранична полиција не им дозволи да преминат во Франција.

Француското Министерство за внатрешни работи наредило да се зајакне граничната контрола поради напливот на емигранти.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.