Обама: Треба време, но ИД ќе биде поразена

Американскиот претседател Барак Обама изјави денеска дека е уверен оти екстремистите од Исламска држава ќе бидат потиснати од Ирак и на крајот ќе бидат поразени. – Сепак, за тоа е потребно време, изјави Обама по средбата со ирачкиот премиер на маргините на самитот Г7 што се одржува во Германија.- Во Ирак и понатаму постојат проблеми – рече Обама и порача дека успехот против екстремистите ќе зависи од тоа колку ќе биде ефикасна меѓународната коалиција што го поддржува ирачкиот премиер Хајдер Абади.

Обама наведе дека е „апсолутно уверен во успех“ ако Багдад има Влада што ќе ги претставува сите заедници.

Абади изјави дека е убеден во победа и му се заблагодари на Обама и лидерите на Г7 за поддршката.

Самитот на Г7 се одржува во баварскиот луксузен дворец Елмау во близина на Гармиш-Партенкирхен.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.