Бројот на лицата кои загинаа при превртувањето на туристички брод „„Донгфангжиксинг“ во реката Јангце, во јужната кинеска провинција Хубеј, на 1 јуни, според последните податоци се искачи на 434, соопшти претставник на властите во Пекинг. Телата на уште две жртви утринава се пронајдени и извадени од водата на реката.Несраќата ја преживеаја само 14 лица, меѓу кои се и капетанот и главниот инженер на бродот, кои беа веднаш приведени. Истражните органи се уште тратат по 11 лица, кои ги водат како исчезнати.
Во време на несреќата на бродот имаше 456 патници и членови на екипажот. Повеќето од патниците биле на возраст меѓу 50 и 80 години. Бродот „Донгфангжиксинг“ (Ѕвезда на истокот) пловеше од градот Нанџинг кон Чонгчинг во југозападна Кина. Според кинеските медиуми, несреќата се случила кога бродот бил зафатен од силен циклон, со ветер од 130 километри на час, по што пловилото се превртело. Хсинхуа јави дека на местото на несреќата, најголемата кинеска река Јангце била длабока 15 метри. Весникот на владејачката Комунистичка партија на Кина, „Женмин Жибао“ објави дека превртувањето на бродот траело околку две минути, по што тој продолжил да се движи по реката уште три километри и конечно запрел во близина на речниот брег.
Ова утро крај извадениот брод беше извршен помен за мртвите со учество на најблиските роднини на загинатите и спасувачите. Денеска е седмиот ден од потонувањето на бродот, а според кинеската традиција тоа е клучен момент за оплакување на мртвите. Над 1.400 роднини на жртвите пристигнаа во Јангце, а повеќето од нив беа незадоволни од недостигот на информации.
Владата соопшти дека прави се што е можно за да им помогне. Бродот беше изваден во петокот вечерта со помош на пловни кранови. Продолжува работата на пасувачките екипи. Реката Јангце се пребарува до Шангај и е делумно преградена со специјална мрежа.
Бродот „Звезда на истокот“ е долг 76,5 метри и висок 11 метри, со капацитет за 534 патници, потсетуваат американските медиуми.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
