Пресврт: Синоќа не испадна никој, вечерва си одат четворица

Дури четворица кандидати ќе испаднат вечерва од „Икс-фактор“, со што ќе останат осум кандидати за победа во втората сезона на шоуто. Вчеравечер, пак, не беше исфрлен никој, но затоа утре се во опасност сите.

Добиените гласови за вчерашните настапи се веќе пресметани и затворени и ќе се споредат со оние кои денеска ќе ги добие втората група на кандидати. Ќе испаднат двајцата кандидати со најмал број на гласови, без разлика дали настапувале вчера или денес. Ќе испаднат уште двајца за кои жирито нема да го даде својот глас во песната за спас.

Вчеравечер на концертот со песни по избор на кандидатите, настапи скопјанецот Давид Темелков, додека вечерва ќе пее вториот македонски претставник, Боби Мојсоски.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.