Марија Шарапова ќе нема можност да го брани трофејот од минатата година на Ролан Гарос откако денеска во осминафиналето беше елиминирана од 13. носител Луси Сафарова со 2-0 (7-6, 6-4).
Сафарова, која е 13. носителка, успеа да ја победи Шарапова, која во изминатите три години стигнуваше до финалето на Ролан Гарос и е актуелна шампионка од минатата година.
Сафарова во четврт-финалето ќе ги одмери силите со Шпанката Гарбине Мугуруза, која ја совлада италијанската тенисерка Флавија Пенета со 6-3, 6-4.
Роџер Федерер денеска по продолжување на вчерашниот натпревар против Гаел Монфис, кој беше прекинат поради темница при резутат 1-1 во сетови, одигра фантастичен натпревар и за помалку од еден саат го скрши отпорот на Французинот и заслужено се пласираше во четврт-финалето.
Федерер славеше со 3-1 ((6-3, 4-6, 6-4, 6-1), а во четврт-финалето ќе се сретне со својот сонародник и добар пријател Станислас Вавринка, кој со максимални 3-0 беше подобар од уште еден Французин Жил Симон.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
