Вечер посветена на Мишо Нетков

По повод 40 години активно новинарско творештво во Македонската телевизија, Универзитетот за аудиовизуелни уметности од Скопје и НУ Кинотека на Македонија, на 20 мај, во 20 часот во просториите на Кинотека на Р. Македонија, организираат вечер на документаристот проф. д-р Мишо Нетков.

Покрај изготвениот филмски омаж кој зборува за животот и творечката кариера на проф. д-р Мишо Нетков, беседа за неговиот импозантен документаристички опус (над 400 документарни единици), ќе има Ректорот на Универзитетот ЕФТА, Јордан Плевнеш.

За научната дејност како и за еден од првите историографи во Македонија, кој медиологијата ја стави во функција на актуелната историска наука, како и промовирањето на неговиот најнов научен труд подржан од Министерството за култура на Р. Македонија под наслов „Мултикултурата во националните електронски медиуми на Балканот” што претставува прва компаративна студија од ваков обем во издание на престижната издавачка куќа “Феникс” од Скопје, пригоден говор ќе одржи проф. д-р Тодор Чепреганов.

Вечерта посетителите на оваа пригодна свечаност, ќе имаат можност да го проследат документарниот филм “Дијалог со мртвите“ во траење од 24 мин. кој има добиено 7 меѓународни награди на разни ТВ фестивали.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.