Албанија очекува инвестиции од 920 милиони долари во енергетиката

Во следните пет години јавните инвестиции во енергетскиот сектор во Албанија ќе достигнат 920 милиони долари, јави дописникот на МИА.

– Од вкупно планираниот износ, 420 милиони долари ќе бидат вложени во енергетската инфраструктура, додека 500 милиони долари во секторот за производство на електрична енергија – соопшти албанскиот министер за енергетика,Дамијан Ѓикнури.

Тој очекува во наредниот период поголема ангажираност, како на странски, така и на домашни инвеститори, посебно во изградбата на хидроцентрали.

Инвестирањето во овој сектор тој го побарал и од турските бизнисмени кои заедно со претседателот на Турција, Реџеп Тајип Ердоган во средата прстојуваа во Албанија, оценувајќи при тоа дека туското искуство во ова област и е неопходно за Тирана, која располага со голем воден потенцијал за изградба на хидроцентрали.

Ердоган за време на посетата на Тирана предводеше делегација од 120 турски бизнисмени и најави зголемување на турските инвестиции.

Турција е четвртиот економски партнер на Албанија, а турските инвестиции во земјата достигнуваат речиси 2,7 милијарди американски долари.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.