Детонации и рафални стрелби во Куманово

Фото: Ѓ. Личовски (Република)

Претходно кон населбата се упатија дополнителни полициски возила, а во тек е постепено евакурање на населението, од кое дел се повлекува пеш, а дел со полициски возила. Од локацијата се повлече возилото на противпожарните служби.

Пристапот до населбата е блокиран освен за возила на полицијата и на Прва помош. Затворена за сообраќај е едната сообраќајна лента од булеварот „Трета МУБ“, а полицијата ги пренасочува возилата кон другите делови на градот. Во останатите кумановски населби сообраќајот се одвива нормално, но е забележливо засилено полициско присуство.Сообраќајот по автопатот од Табановце-Куманово-Скопје се одвива нормално и нема никаков застој, пренесе МИА.

Портпаролот на МВР Иво Котевски на прес-конференција во 14 часот информира дека поради специфичноста на теренот полицијата напредува постепено и врши претрес во сите куќи. Групата, како што изјави Котевски, имала за цел да организира напади врз државни институции, а во Македонија влегла од една соседна држава.

– На нападот е одговорено исклучително внимателно и соодветно на ситуацијата. Апелираме граѓаните и јавноста да останат мирни, да се воздржуваат, а заради чувствителноста на ситуацијата во овој момент не би соопштувале дополнителни детали, рече Котески и најави дека МВР подоцна ќе излезе со целосни информации за преземените мерки.

Апели за смиреност и неподлегнување на провокации упатија и политичките партии, Делегацијата на ЕУ, ОБСЕ и дел од амбасадите во државава.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.