„Веро Центар“ оваа година го организира четвртиот по ред „Пролетен Вино Фест“, односно „ Spring Wine Festival”. Од 6 мај до 10 мај, пред отворениот паркинг простор во склоп на “Веро Центар“ посетителите секојдневно ќе имаат можност да уживаат во добро вино, деликатесна храна и музика за сечиј вкус. На овогодинешниот вински фестивал го славиме виното преку селективно одбрани домашни винарии во кои посетителите ќе имаат можност да дегустираат сортни македонски вина по промотивни цени.
Посетителите покрај дегустацијата на доброто вино и деликатеси ќе имаат можност да се забавуваат со одлична музика. Најавени се музички имиња од македонската естрада како и од соседството. Меѓу бројните музички ѕвезди свој настап ќе имаат култните „Ласт експедишн“, Игор Џамбазов, Бојан Маровиќ, Миле Кузмановски, The Hounds, Жаре Бербер, Кросроуд Блуз Бенд, Бета Хаус и многу други.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
