Од почетокот на годинава во ХЕЦ „Шпилје“ кај Дебар, произведени се околу 120 милиони киловатчасови електрична енергија, што е за десет отсто повеќе споредено со истиот период лани.
Според надлежните, оствареното производство претставува 40 отсто од вкупниот план за 2015 година, кое согласно со енергетскиот биланс е над 300 милиони киловатчасови.
– Тоа е резултат на поволната хидрологија на дебарското сливно подрачје, кое ги опфаќа реките Радика и Црн Дрим, како и навременото и успешно реализиреање на планираните ремонти и ревизии на електормашинската опрема. Средниот дотек на вода во акумулацијата „Дебарско Езеро“ моментално изнесува над 100 кубни метри вода во секунда. Во акумулацијата има резерва на вода за производство на 15 милиони киловатчасови електрична енергија – потврдуваат од овој електроенергетски објект.
ХЕЦ „Шпилје“ која работи според потребите на енергетскиот систем во последните пет години во просек произведувала по над 250 милиони киловатчасови елекрична енергија.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
