Македонците не одат понатаму во „Икс-фактор“

Ни еден од македонските кандидати од групите девојки и групи, не успеаја да ја минат втoрата фаза на натпреварувањето – регрутниот камп.

Синоќа, свои тимови одбираа Жељко Јоксимовиќ, кој ќе биде ментор на девојките и Тончи Хулиќ, кој ќе биде задолжен за групите. И двајцата на своите шест столчиња за пополнување немаа место за македонските кандидати.

Нашите бои годинава ќе ги бранат само Боби Мојсоски и Давид Темелков, кои се во тимот момчиња на Александра Ковач, како и Алмир Исмаили во групата постари од 27, чиј ментор е Масимо Савиќ.

Следната фаза и последна селекција на кандидати пред аудициите во живо, е домовите на судиите.

Секој ментор од своите шест кандидати ќе мора да одбере само тројца со кои ќе се бори за време на аудициите во живо.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.