ССМ годинава со марш на солидарноста ќе го одбележи 1 Мај

Сојузот на синдикати на Македонија годинава ќе го прослави 1 Мај – Меѓународниот ден на трудот – со марш на солидарноста на кој ќе биде прочитан првомајски манифест со пораки за колективни договори за сите, сигурни работни места и сигурни плати за работниците.
Маршот ќе почне напладне од пред зградата на ССМ, по што учесниците ќе поминат покрај Собранието на Република Македонија.

– Сојузот на синдикатите на Македонија годинава со оваа манифестација активно ќе се вклучи во вкупните активности што ќе ги реализираат ITUC и ETUC, а кои ќе бидат фокусирани на обезбедување колективни договори за сите работници, односно и таму каде што ги нема. Активностите во текот на годината ќе бидат насочени и кон обезбедување сигурни работни места, работен однос на неопределено време и сигурни плати за сите работници – вели претседателот на ССМ, Живко Митрески, во интервју за МИА.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.