Десетгодишно дете е повредено во сообраќајна несреќа што денеска се случи во 13.15 часот на влезот во тетовското село Џепчиште.
СВР Тетово соопшти дека до несреќата дошло кога детето Ќ.К. од Џепчиште налетало на патничко моторно возило Мицубиши со тетовски регистарски ознаки што го управувал С.С.(51) од истото село, при што детето се здобило со тешки телесни повреди.
Детето е пренесено во тетовската Клиничка болница, од каде по укажаната помош како итен случај било упатено на клиниките во Скопје.
Полицијата заедно со истражен судија и јавен обвинител извршила увид на самото место.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
