Јана и Марко најчести имиња на новороденчиња во Аеродром

Општина Аеродром во текот на минатата година доделила 731 решение за еднократна парична помош за новороденчиња во висина од 5.000 денари, од кои 405 за машки, а 326 за женски деца.

Од нив 368 се првородени деца, 311 второродени, во 51 семејство има трето дете, а има и едно семејство со 5 деца, додека 14 семејства од општина Аеродром во 2014 година добиле близнаци.

Исто како и во 2011, 2012, 2013 година, и во изминатата 2014 година, најчесто име што им се давало на девојчињата од општина Аеродром е Јана, а кај момчињата Марко, но оваа година има и нов „победнички“ пар на имиња, а тоа се Ангела и Михаил. Исто така, има и многу деца кои се викаат Ана и Марија, како и Стефан, Матеј и Петар. Меѓу новородените има и деца кои имаат ретки имиња како што се Дениција, Дена, Калија, Григориј, Алексеј, Луна …

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.