Кристијано Роналдо е неверојатен, пет сезони по ред со преку 50 гола

Во вчерашниот натпревар против Малага, најдобриот светски фудбалер Кристијано Роналдо со голот постигнат во судиското продолжение дојде до бројката од 50 голови оваа сезона. Тоа за него е големо остварување бидејќи петта сезона по ред тој постигнува 50 или повеќе голови во една сезона. Тоа беше 39.гол за него во Примера дивизија.

Во сезоната 2010/2011, Португалецот постигна 53 гола. Веќе следната сезона дојде до бројката од 60 што е негов личен рекорд, барем засега. Роналдо постигна 55 гола во 2012/2013, лани реализираше 51 погодок, додека оваа сезона има веќе 50, а со оглед на тоа што го очекуваат уште натпревари до крајот на Примера и Лигата на шампиони сигурно дека ќе ја надмине оваа бројка.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.