Нема промена на цените на бензинот, дизелот се намалува за половина денар

Регулаторната Комисија за Енергетика ги објави старо-новите цени на горивата, и освен малото поевтинување на дизелот, тие остануваат непроменети.

Согласно методологијата за пресметка на цените на РКЕ, малопродажните цени на горивата се намалуваат во просек за 0.5% – а тоа значи дека малопродажните цени на ЕУРОСУПЕР-95 и ЕУРОСУПЕР-98 остануваат исти – и еден литар од овие горива ќе се продава по цена од 67.50, односно 69.50 денари. Единствено се намалува цената на ЕУРОДИЗЕЛ горивото, но за само 0.50 денари, и еден литар од ова гориво ќе чини 53.00 денари.

Измените стапуваат на сила вечерва на полноќ и ќе важат следните две седмици.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.