Податоците на српскиот Републички завод за статистика покажуваат дека во 2014 година дури 25,6 проценти од граѓаните на Србија живееле на работ на сиромаштија, објави белградскиот весник „Политика“.
Процентот на српски граѓани кои лани биле изложени на ризик од сиромаштија или социјална исклучивост изнесувал 43,2 отсто. Најизложени на ризик од сиромаштија се лицата на возраст до 18 години – 29,6 проценти, додека „најбезбедни“ од сиромаштијата се српските граѓани постари од 65 години – 20,7 отсто.
Најзагрозени да западнат во сирмошатија се семејствата што се состојат од две возрасни лица и три или повеќе деца (35,2 проценти). Меѓу поединците постари од 18 години, најзагрозени од сиромаштија се невработенити со 47,1 отсто, пред самовработените лица со 38,4 проценти, пензинерите со 13 отсто и лицата вработени кај работодавец со само 8,6 проценти.
Податоците се изведени од анкета на српскиот Завод за статиситка, со која биле опфатени 6.055 домаќинства и 16.220 лица на возраст од над 16 години.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
