Кери: Сѐ уште има бариери за постигнување на договор со Иран

Американскиот државен секретар Џон Кери денеска изјави дека остануваат некои потешкотии во преговорите за иранската нуклеарна програма, додавајќи дека разговорите во Лозана ќе продолжат и во текот на ноќта, во обид да се постигне договор о крајниот рок – 31 март.

Неименуван дипломат, кој учествува во разговорите, истакна дека преговорите влегле во критична фаза и дека се зголемува нивото на тајност.

– Пред прагот сме на важни решенија. Сега е важно да ја зачуваме медиумската тишина, посочи неименуваниот дипломат.

Портпаролката на Стејт департментот Мари Харф истакна дека не е обврзно во идниот договор да пишува дека Иран збогатениот ураниум ќе го складира во странство. Таа додаде дека на Иран му е потребна една година за да произведе доволно количество збогатен урамиум за една нуклеарна бомба.

Харф наведе и дека можноста за постигнување на договор меѓу Иран и шесторката е 50 – 50.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.