Министерот за одбрана на Република Македонија Зоран Јолевски, од денеска до 22-ри овој месец ќе учествува на Бриселскиот форум, кој е во организација на на Германскиот Маршалов фонд (ГМФ).
Форумот во Брисел кој оваа година го слави својот десетгодишен јубилеј, се истакнува како водечки годишен трансатлантски собир на влијателни државници, интелектуалци и бизнисмени од двете страни на Атлантскот океан. На овој собир се разменуваат мислења за стратегијата и идните приоритети на соработката меѓу Европа и Северно Американскиот Континент.
На Бриселскиот форум учествуваат лидери од над 50 земји меѓу кои генералниот секретар на НАТО Јенс Столтенберг, високиот претставник на ЕУ за надворешни работи и безбедносна политика Федерика Могерини, повеќе министри за одбрана и надворешни работи, високи претставници на НАТО и ЕУ, претставници од евроатлантски, невладини и меѓународни организации, како и претставници од тинк-тенк заедницата и од приватниот сектор, соопшти Министерството за одбрана.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
