Снегот отсече неколку села во Старо Нагоричане

Селата од Арбанашко, Длабочица, Мгленце, Малотино, Жељувино, Дренак, Цветишница во општина Старо Нагоричане се отсечени поради снегот, информираат од подрачното одделение на Регионалниот центар за управување кризи.

Во дел од овие села нема електрична енергија, поради дефект во нисконапонската мрежа.

Од подрачното одделние на РЦУК, информираа дека висината на снежната покривка изнесува 35 сантиметри.

Од одделение за урбанизам на општина Старо Нагоричане, пак соопштија дека на одредени места висината на снежната покривка е 50 сантиметри. Поради силниот ветер има и наноси од снег со висина од еден метар. Општината веќе ги презема потребните мерките за расчистување на патниот правец, по што и екипи на ЕВН ќе излезат и ќе ги остранат дефектите во тој реон.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.