Државниот долг е под 35 проценти од БДП

Бизнисмените да не се плашат од уцените на лидерот на СДСМ, Зоран Заев – порача на денешната прес-конференција вицепремиерот Зоран Ставрески. 

Тој посочи дека владата инвестира во секоја можна сфера.

 – Државата не е пред колапс, ниту пред банкрот.  Граѓаните треба да се водат од реалноста, од она што го гледаат, од аргументите и фактите кои велат дека последниве години невработеноста а намалена за една третина, креирани се 125 илјади работни места, во земјава како резултат на реформите дојдоа над 30 странски компании, државниот долг е под 35 проценти од БДП или меѓу четирите најниски во Европа. И тоа покажува на каков начин сме се справиле со тој предизвик, кога во соседствто и во многу земји од Европа јавниот долг достигнува над 100 проценти, истакна Ставрески.

Ставрески потенцираше дека Буџетот е во одлична кондиција и како што беше објавено завчера,  таа одлична кондиција на македонската економија и на Буџетот обезбедила предвреме да го вратиме долгот кон ММФ.

Тој додаде дека премиерот и сите министри секогаш се залагаат за што поголем број на проекти и поголеми придобивки за народот.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.