Општина Новаци регистрира околу 300 барања за штети врз земјоделски површини, 20 барања за штети врз објекти и една куќа која е целосно уништена.
Од Општината наведуваат дека Комисијата за процена на штети при Општина Новаци постојано е на терен за утврдување на фактичката состојба.
Градоначалникот на општина Новаци, Лазар Котевски, информира дека досега се собрани околу 1,2 милион денари парични средства донации од повеќе компании.
– Од ФК „Вардар“ односно од неговиот сопственик Сергеј Самсоненко на семејството Мицевски, чија куќа е целосно уништено, ќе му се дадат градежни материјали во износ од 10.000 евра. Исто така, сакам да ги посочам ИМБ Млекара Битола, „Кромберт и Шуберт“, збратимените општини Хрпеље-Козина од Словенија и Дуги Р‘т од Хрватска, кои исто така финансиски ни помогнаа, но и поранешни жителите на општината, иселениците од дијаспората и други – посочи Котевски.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
