Министерот Попоски на состанок на ПСЈИЕ во Тирана

Министерот за надворешни работи Никола Попоски, денеска во Тирана ќе учествува на неформалниот состанок на министрите за надворешни работи на земјите-членки на Процесот за соработка на Југоисточна Европа (ПСЈИЕ).

Како што најавија од МНР, се очекува Попоски да се обрати и да ги изнесе погледите на Република Македонија во однос на унапредување на регионалната соработка, особено во форматот на ПСЈИЕ. Од особено значење е поврзувањето на регионот преку развивање и модернизација на инфраструктурата, што би поттикнало зголемен економски развој, трговија и привлекување на странски инвестиции за сите земји во регионот.

Во рамките на состанокот, во присуство на високи претставници на Европската унија и генералниот секретар на РСС, се очекува да се потпише и Заедничка изјава против било какви акти на тероризам, соопшти МНР.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.