Недолични извици и удари по прозорец – нападнат медиум, ќе реагира ли сега ЗНМ?!

Дел од учесниците на денешниот протест пред Владата по објавените телефонски разговори од страна на СДСМ почнаа со провокации и притисок врз медиуми. Просториите на Радио Слободна Македонија (РСМ) кои се наоѓаат веднаш спроти зградата попладнево беа мета на незадоволните протестанти, кои започнале да тропаат по прозорите и да извикуваат недолични зборови, вели исплашена новинарка која била во просториите на радиото.

Со ваквите постапки, СДСМ ја продолжува политиката на напади врз медиуми, провокации и етикетирања. Дел од партиските протестанти на опозицијата, како што може да се види на фотографиите на дело покажуваат што значи директен притисок врз медиум, во случајов РСМ, директно попречувајќи во програмата на радиото.

Останува да видиме дали конечно ЗНМ ќе собере храброст и ќе реагира на ваквите закани и притисоци кон медиум, кои се јасно видливи, или пак како многу пати досега ќе продолжи со молкот кога поддржувачите на опозицијата се во прашање.

Советот на честа на Здружението на новинари на Македонија неодамна со цел да им удоволи на тие на кои нема кој да им суди за нарушување на етичките норми во новинарството, донесе урамнотежена, а несуштинска одлука за текст објавен на „Република“. Да не поведат постапка, но сепак да ги задоволат страстите на подбуцнувачите и креаторите на случајот, напишаа воопштена формулација за некакво нарушување, со што докажаа дека ја преземаат улогата на инструмент, а не на независен заштитник на новинарските норми. Опозиционите медиуми финансирани од СОРОС посотјано навредуваат, обвинуваат, но ЗНМ ним не им суди. Не е навреда ниту давањето различни епитети за новинарите на „Република“ од страна на уредникот на „Плусинфо“. Тие се „генијалци“, ама „будали“… Не е омраза ни навредувањето од страна на Геровски на сопствениот народ, само затоа што гласале за другата страна, не за таа што тој ја поддржува. Нема навреда ниту во моментот „слепци“ упатен кон сите тие што не гледаат како него на политичката ситуација во земјава. Но ете, некој проценил дека за епитетите и навредите на Геровски нема причина за поведување постапка.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.