Повеќе од 10 илјади луѓе се погодени од земјотресот со јачина од 4,4 степени според Рихтер кој го погоди југозападниот дел од Кина, соопштија во саботата локалните власти а во извештајот сé уште нема прецизирани бројки за повредени или евентуални човечки жртви, како и за материјалните штети.
Според државната кинеска агенција Синхуа, земјотресот се случил во саботата наутро во провинцијата Јунан, а неговото жариште било на само 6 километри длабочина. Агенцијата според неофицијални информации пренесува дека биле разурнати околу 280 домови. Нема податоци за настрадани и загинати.
Провинцијата Јунан беше погодена од земјотрес со силина од 6,5 степени по Рихтер и во август минатата година. Тогаш загинаа 614 луѓе. Тој земјотрес погоди речиси милиони жители, повредени беа 2.400 луѓе а повеќе од 240 илјади беа евакуирани.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
