Сем Смит – најголемиот победник на „Греми“

Сем Смит

Сем Смит освои четири награди „Греми“ на синоќешното доделување во Лос Анџелес и тој е најголемиот победник на 57. доделување на наградите.Смит добри награда за песна на годината и за сингл на годината за нумерата „ Stay with me“, потоа за најдобар поп-албум и за најдобар нов изведувач.

На манифестацијата настапија Мадона, Кети Пери, Ријана, Кање Вест и Пол Макартни.

Бијонсе

Бјонсе и Фарел Вилијамс освоија по три награди „Греми“. Бјонсе ги освои статуетките за најдобра аренби-изведба и аренби-песна за нумерата „ Drunk in Love “, како и за најдобар сараунд албум. Фарел освои награда за најдобар современ урбан албум, а за огромниот хит „Happy“ ги освои наградите во категориите за најдобар спот и за најдобра соло-изведба.

Ќерката на легендарниот Џони Кеш, Розен Кеш, исто така, освои три награди „Греми“ за најдобра изведба на американска традиционална музика, најдобар американа албум и за најдобра песна од категоријата американска музика.

Бек ја доби наградата за албум на годината за „Morning Phase“, што е прогласен и за најдобар рок-албум.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.