Жените во АРМ во првите редови за помош на поплавените (ФОТО)

Припадниците на АРМ заедно со вработените од јавните претријатија денес поставуваа вреќи со песок во селото Тројкрсти како заштита од ширење на поплави по најавата за нови дождови. Ангажирањето на припадниците на АРМ и активностите кои заедно ги преземаат со јавните претпријатија е со цел да се санираат пробиените места од Црна Река, но и да се постават 10 илјади вреќи со песок, како заштита од нови дождови.

Од АРМ информираат дека денес само во пелагонискиот регион се ангажирани околу 300 припадници на АРМ, а на целата териоторија вкупно 700 припадници со потребна механизација, теренски моторни возила и потребни материјални средства и опрема.

Во селото Тројкрсти денес беше претседателот на Македонија Ѓорге Иванов придружуван од началникот на ГШ на АРМ Горанчо Котески, како и министерот за информатичко општество и администрација Иво Ивановски.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.