Тодоров во Чешиново Облешево: Дадени се препораки од здравствен аспект

Имавме состанок на кризниот штаб. Веројатно најпогодени се Чешиново- Облешево и Чифлик. Три села се отсечени, генерално се договорени сите активности кои треба да се прават, рече министерот за здравство Никола Тодоров во гостувањето во вечерните вести на Сител, при јавувањето од терен од Чешиново-Облешево, една од критичните точки по обилните врнежи од дожд.
Тодоров рече дека има активности кои се реализираат на магистралниот пат, кои треба да спречат доток на водата, но исто така треба да се преземат и мерки во Чифлик, каде направени се насипи.

-Од здравствен апспект имавме координација. Има екипи на итна медицинска помош, договоривме да има едно теренско возило кое треба да се пробива до отсечените села. Дадени се препораки од здравствен аспект за тоа како треба да се однесуваат граѓаните. Исклучителна опасност е користењето на водата за пиење, рече Тодоров.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.