Сообраќајот на сите државни патишта се одвива без забрани, по претежно влажни коловози. Повремен слаб снег префрла во Павлешенци, без задржување на коловозот, информираат од АМСМ.
Поради појава на магла намалена е видливоста на планинскиот премин Стража до 50 метри.
Воведена е забрана за движење на тешки товарни возила над 7,5 тона и автобуси, на патниот правец Р2136 Ржаничино – Д. Коњаре, поради оштетување на средниот столб на мостот на река Пчиња.
Штетата на мостот на патниот правец Радовиш – Штип е санирана и сообраќајот се одвива наизменично, по една коловозна лента. Сообраќајот на патниот правец Демир Капија кон Корешница е нормализиран. Забраната за движење, поради лизгар, на патот Киселица – Злетово во општина Пробиштип сè уште останува.
На регионалениот пат Р2232 на м.р.„Глобица“ во непосредна близина на Ратавци – Пробиштип сообраќајот е сè уште во прекин.
Поради надојдените води од реката Крива Лакавица во прекин се патните правци кон Степанци и Суво Грло.
Сообраќајот на патниот правец Р1401, клучка Марвинци – Гевгелија од 26.1.2015 година е нормализиран.
АМСМ препорачува внимателно возење, приспособена брзина на движење и почитување на поставената сообраќајна сигнализација. Посебно внимание е потребно на делниците што минуваат низ клисурите и засеците, особено на патните правци Катланово – Велес, Маврово – Дебар – Струга, Демир Капија – Удово, каде што е можна почеста појава на одрони.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
