Против Австрија покажа дека на него може со право да се смета кога нема да му оди на Борко Ристовски.
Петар Ангелов, како еден од највозрасните македонски ракометни репрезентативци, е свесен за шансата која ја има Македонија во осминафиналниот натпревар против Словенија (денеска, 16:30 ч.) во „Али Бин Хамад Ал Атија“ Арената во Доха:
„Не чувствуваме притисок пред натпреварот со Словенија. Цела генерација играме постојано заедно повеќе од десетина години, настапуваме во ЛШ, во Сеха, знаеме како треба на вакви тешки натпревари. Секој знае како треба да се подготви, знаеме што може да значи победа на овој натпревар за нас“.
„Ние имаме фантастична одбрана, Словенците може слободно да калкулираат колку голови ќе треба да постигнат за да не победат, но очекувам најсилна одбрана во досегашните натпревари во Катар“, изјави Петар Ангелов за македонските медиуми присутни во Катар.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
