СОНК бара работна група да утврди кога се доставени неговите барања до ресорните министерства

Раководството на СОНК бара да се формира работна група со задача врз основа на целокупна документација да утврди кога се доставени барањата до ресорните министерства поради кои Синдикатот сега е во генерален штрајк.

СОНК предлага во работната група покрај нивни претставник да има и по еден претставник од министерствата за труд и социјална политика и за образование и наука и од Економско-социјалниот совет на национално ниво, а подготвен е, како што соопшти во допис до медиумите, да нема свој член во групата ако некоја од предложените институции смета дека нема потреба.

– Исто така, оваа овластена група да ја утврди и вистината околу тврдењата за висината на средствата кои пристигнуваат во Советот на СОНК и за кои овластен потписник е претседателот на СОНК. Предлагаме и ќе побараме, каков и да е наодот на работнита група, тој јавно да биде објавен со потписи на членовите од работната група, наведува СОНК во соопштението.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.