Уште еден облачен ден кој ќе донесе врнежи во првата половина од денот. Според Метеопро врнежите ќе бидат релативно слаби. На повисоките места ќе бидат од снег мешан со дожд, додека низ пониските котлини само од дожд. Вечерта ќе биде облачна, но без врнежи.
Минималната температура ќе има вредност околу 3°С низ котлините. Минимална околу 5°С се очекува во Гевгелиско – Дојранскиот крај. Максималната температура ќе има вредност околу 5°С низ котлините во северниот и западниот дел од земјава. Во североисточниот крај максималната ќе има вредност околу 6°С, додека на југоисток ќе достигне вредност до 10°С.
Во скопската котлина се очекува облачно време со повремен слаб дожд во првата половина од денот. На планините околу Скопје ќе врне слаб снег. Минималната температура ќе има вредност околу 2°С. Дневниот максимум на температурата на воздухот ќе достигне вредност до 5°С.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
